धनगढीमा बलात्कार गर्न खोज्ने युवालाई स्थानीयले प्रहरीलाई बुझाए
तितोपाटी – कैलालीको घोडाघोडीकी नगरपालिकामा बालिका बलात्कार गरेको आरोपमा एक जना पक्राउ परेका छन् । कैलालीको घोडाघोडी नगरपालिका वडा नम्बर ६ की एक १४ वर्षिया बालिकालाई बलात्कार गरेको आरोपमा स्थानीय ३३ वर्षीय हर्क कुँवरलाई पक्राउ गरिएको हो । केही दिन अगाडी रातीको समयमा घरमा कोही नभएको अवस्थामा आफ्नै साथीकी छोरीलाई बलात्कार गरेको आरोप लागेका कुँवरलाई प्रहरीले समातेको हो ।
उनलाई लम्की स्थित आफन्तको घरमा लुकेर बसेको अवस्थामा हिँजो साँझ पक्राउ गरिएको जिल्ला प्रहरी कार्यालय कैलालीका प्रमुख प्रहरी उपरिक्षक विनोद घिमिरेले जानकारी दिए । पक्रउा गरिएका कुँवरलाई हिँजो नै धनगढी ल्याईएको छ ।
यता धनगढी उपमहानगरपालिका—६, जालीमा दुई बालिकालाई बलात्कार गर्न खोजेको आरोपमा एक युवालाई गाउँलेले नै समातेर प्रहरीलाई बुझाएका छन । हिँजो दिउँसोको समयमा एक १४ बर्षीया बालिकालार्इ बलात्कार गर्न खोजेको आरोपमा स्थानीय २२ वर्षीय अनिल चौधरीलाई स्थानीय वासिन्दाले समातेर प्रहरीको जिम्मा लगाएका हुन् । उनले घरमै नुहाउँदै गरेकी आफन्तकै छोरीलाई बलात्कारको प्रयास गरेको आरोपमा समातिएको हो । उनलाई ७ दिनको म्याद थपेर अनुसन्धान भईरहेको प्रहरीले जनाएको छ ।
