तितोपाटी – एसिया कप छनोटको पहिलो खेलमा एक दिवसिय मान्यता प्राप्त नेपाल ओमानसँग ७ विकेटले पराजित भएको छ । टस हासेर पहिले ब्याटीङ गरेको नेपालले ९ विकेट गुमाएर प्रस्तुत गरेको २ सय २२ रनको लक्ष्य अोमानले ४८ ओभरमा ३ विकेट गुमाएर भेटायो ।
नेपालका लागि पारस खड्काले मात्र विकेट लिन सके । ओमानका दुई ब्याट्सम्यान रनआउट भएका थिए ।
मलेसियामा सुरु छनोट प्रतियोगितामा नेपालले ओमानसँगको यो पहिलो खेल हो । खेलमा सागर पुनले बनाएको ८३ रनको मद्दतमा नेपालले मध्यमस्तरको लक्ष्य दिएको थियो ।
कमजोर टिम मानिएको ओमानले नेपाललाई पराजित गरेपछि एसिया कपमा छनोट हुने नेपालको सम्भावना अन्य देशको नतिजामा भर पर्नुपर्ने हुन्छ । अब बाँकी चारै वटा खेल जितेपनि नेपालले अरुको नतिजा कुर्नुपर्ने हुन्५ ।
