Monday 16th November 2026

नेपालले नेदरल्याण्डलाई १ रनले हरायो


तितोपाटी – नेपालले एक दिवसीय अन्तराष्ट्रिय मान्यता प्राप्त खेलमा आफ्नो पहिलो जीत हासिल गर्न सफल भएको छ । नेदरल्याण्ड विरुद्धको दोस्रो एक दिवसीयमा आज १ रनको जीत हासिल गर्दै नेपालले ईतिहास बनाएको हो ।
नेपालको जीतमा बलर सोमपाल कामी र कप्तान पारस खड्काको े प्रदर्शन उत्कृष्ट रह्यो । उनले नेपालको पारी उकास्न ७१ रनको योगदान गरे । उनले एक विकेट समेत लिएका थिए । त्यसै गरी कप्तान पारस खड्काले ५१ रन जोडे पछि नेपालले दुई सय १६ रनको मध्यम स्कोर खडा गरेको थियो । जवाफी व्याटीगंमा उत्रिएको नेदरल्याण्डले पुरै ५० ओभरमा सबै विकेट गुमाएर २ सय १५ रन जोड्यो । अन्तिम ओभरमा कप्तान पारसले बलिगं गर्ने क्रममा एक बलमा दुई रन चाहिएको स्थितिमा उनले विकेट लिए पछि नेपालले रोमाञ्चक जीत निकालेको हो ।
नेपालका लागि सन्दीप लामिछानेले तीन विकेट लिए भने ललित भण्डारीले २ तथा बसन्त रेग्मीले एक विकेट लिए । नेदरल्याण्डका बरेसीले ७१ रन जोडेका थिए । पहिलो खेल नेदरल्याण्डले ५५ रनले जितेको थियो ।


सम्बन्धित शीर्षकहरु

अन्तर्राष्ट्रिय समाचार | १५ नोभेम्बर २०२६ / भारतले बंगलादेशकी पूर्वप्रधानमन्त्री शेख हसिनालाई स्वदेश फर्काउन सहजीकरण गर्न सक्ने संकेत दिएको छ।…

वरिष्ठ नेपाली अभिनेत्री गौरी मल्ल र हास्य कलाकार मनोज गजुरेललाई प्रहरीले पक्राउ गरेको भन्दै सामाजिक सञ्जालमा भाइरल भएको भिडियो भ्रामक…

काठमाडौं | जलवायु कूटनीति / नेपालका परराष्ट्रमन्त्री शिशिर खनालले संयुक्त राष्ट्रसंघीय जलवायु परिवर्तनसम्बन्धी महासन्धिका पक्ष राष्ट्रहरूको ३१औँ सम्मेलन (कोप–३१) मा…

प्रतिकृयाहरू
...