Monday 16th November 2026

साउदीले इजिफ्टलार्इ २-१ ले हरायो


तितोपाटी – साउदी अरेबियाले अन्त्यतिर गोल गरेर इजिप्टमाथि सोमबार २–१ को जित दर्ता गर्‍यो । समूह चरणबाटै बाहिरिएका दुई टिमको प्रतिस्पर्धामा साउदी टिमले विश्वकप फुटबल सन् १९९४ यता पहिलो जित रच्यो । इजिप्टका फरवार्ड मोहमद सलाहको यात्रा भने झनै पीडादायी रह्यो ।

लिभरपुलका फरवार्ड सलाहले इजिप्टलाई चाँडै अग्रता दिलाएका थिए । तर उनले अग्रता दोब्बर पान स्वर्णिम अवसर भने गुमाएका थिए । साउदीका लागि मिडफिल्डर सालेम अल–दावसरीले ९५ औं मिनेटमा निर्णायक गोल गरेका थिए ।

उद्घाटन खेलमा रुससँग ५–० ले हारेको साउदीले त्यसयता खुबै सुधार गर्‍यो । प्रतियोगितामा एकमात्र गोल गरेको साउदी समूह ‘ए’ मा तेस्रो भयो । बिनाअंक अन्तिम स्थानमा रहेको इजिप्टले अर्जेन्टिनी प्रशिक्षक हेक्टर कुपरले सम्हालेको टिमले कुनै अंक जोड्न सकेन ।

विश्वकप खेल्ने जेठा खेलाडी बने इजिप्टका गोलकिपर

युरोपेली च्याम्पियन्स लिगको फाइनलमा लिभरपुलका लागि रियल म्याड्रिडविरुद्ध खेल्दा घाइते भएकाले सलाहले विश्वकपको पहिलो खेल गुमाएका थिए । उनले त्यसयताका लगातार दुई खेलमा गोल गरे ।

यसअघि इजिप्टका गोलकिपर इसाम एल–हादरी विश्वकप खेल्ने सबैभन्दा जेठो खेलाडी बने । उनले ४५ वर्षको छँदा विश्वकपमा गोलपोस्ट सम्हाल्ने अवसर पाएका हुन् ।


सम्बन्धित शीर्षकहरु

अन्तर्राष्ट्रिय समाचार | १५ नोभेम्बर २०२६ / भारतले बंगलादेशकी पूर्वप्रधानमन्त्री शेख हसिनालाई स्वदेश फर्काउन सहजीकरण गर्न सक्ने संकेत दिएको छ।…

वरिष्ठ नेपाली अभिनेत्री गौरी मल्ल र हास्य कलाकार मनोज गजुरेललाई प्रहरीले पक्राउ गरेको भन्दै सामाजिक सञ्जालमा भाइरल भएको भिडियो भ्रामक…

काठमाडौं | जलवायु कूटनीति / नेपालका परराष्ट्रमन्त्री शिशिर खनालले संयुक्त राष्ट्रसंघीय जलवायु परिवर्तनसम्बन्धी महासन्धिका पक्ष राष्ट्रहरूको ३१औँ सम्मेलन (कोप–३१) मा…

प्रतिकृयाहरू
...