Monday 16th November 2026

मेक्सिकोले कोरियालार्इ २-१ ले हरायो


दक्षिण कोरियाका फवार्ड सन हियुङ मिनले विश्वकपमा मेक्सिकोविरुद्ध इन्जुरी टाइममा सनसनीपूर्ण गोल गरेका छन् । तर, मेक्सिको जित टार्न सकेनन् ।

शनिबार भएको खेलमा मेक्सिकोले दक्षिण कोरियालाई २–१ ले हराएको हो । पहिलो खेलमा विश्व च्याम्पियन जर्मनीलाई हराएर सनसनी मच्चाएको मेक्सिकोले कोरियाविरुद्ध पनि आफूलाई प्रमाणित गरेको छ ।

लगातार दोस्रो जितसँगै समूह एफको शीर्ष स्थानमा रहेको मेक्सिको नाकआउट चरण नजिक पुगेको छ । दोस्रो हारले दक्षिण कोरिया भने समूह चरणबाट बाहिरिने सम्भावना बलियो बनेको छ ।

खेलमा मेक्सिकोले २६ औं मिनेटमा कार्लोस भेलाको पेनाल्टी गोलबाट अग्रता लिएको थियो । डिफेण्डर ज्याङ हिउन सुको ह्याण्ड गरेपछि मेक्सिकोले पेनाल्टी पाएको थियो, जसमा भेलाले सहजै गोल गरे ।

६६ औं मिनेटमा मेक्सिकोले काउन्टर अट्याकमा गोल गर्दै अगता दोब्बर बनायो । उसका लागि जाभियर हर्नान्डेजले गोल गरे । मेक्सिकोको लागि उनको यो करियरको ५० औं गोल समेत हो ।

तर, इन्जुरी टाइममा दक्षिण कोरियाका सन हियुङ मिनले सनसनीपूर्ण गोल गरे । उनले मेक्सिकोको पेनाल्टी एरिया बाहिरबाट हानेको बल गोलमा परिणत भएको थियो । रुस विश्वकपमा कोरियाको यो पहिलो गोल समेत हो ।

तर, उनको गोल कोरियाको हार टार्न पर्याप्त रहेन ।


सम्बन्धित शीर्षकहरु

अन्तर्राष्ट्रिय समाचार | १५ नोभेम्बर २०२६ / भारतले बंगलादेशकी पूर्वप्रधानमन्त्री शेख हसिनालाई स्वदेश फर्काउन सहजीकरण गर्न सक्ने संकेत दिएको छ।…

वरिष्ठ नेपाली अभिनेत्री गौरी मल्ल र हास्य कलाकार मनोज गजुरेललाई प्रहरीले पक्राउ गरेको भन्दै सामाजिक सञ्जालमा भाइरल भएको भिडियो भ्रामक…

काठमाडौं | जलवायु कूटनीति / नेपालका परराष्ट्रमन्त्री शिशिर खनालले संयुक्त राष्ट्रसंघीय जलवायु परिवर्तनसम्बन्धी महासन्धिका पक्ष राष्ट्रहरूको ३१औँ सम्मेलन (कोप–३१) मा…

प्रतिकृयाहरू
...