Monday 16th November 2026

विश्वकपमा अाज जापानले कोलम्बियालार्इ हरायो


तितोपाटी – रुसमा भइरहेको फिफा विश्वकप प्रतियोगितामा मंगलवारको खेलमा जापानले कोलम्बियालाई एकका विरुद्ध दुई गोलले पराजित गरेको छ।

जापानको आश्चर्यजनक जित भनिएको उक्त खेलमा दक्षिण अमेरिकी राष्ट्र कोलम्बियाको टोलीका एक जना खेलाडी खेल सुरु भएको तीन मिनेटमा नै रातो कार्ड पाएर बाहिरिएका थिए।

ह्याण्डबल गरेका कारण कार्लोस सान्चेजलाई मैदान बाहिर पठाइएको थियो, जुन यस पालिको प्रतियोगिताको पहिलो रातो कार्ड हो।

म्यानचेस्टर युनाइटेड क्लबका भूतपूर्व खेलाडी कागावाले पेनाल्टी पाएको बललाई गोलमा परिणत गरेर टोलीलाई अग्रता प्रदान गरेका थिए।

कोलम्बियाका किन्टेरोले आफ्नो टोलीलाई प्राप्त फ्री-किकबाट चलाखीपूर्ण तरिकाले गोल गरेर खेल बराबरीमा ल्याएका थिए।

तर ओसाकोले टाउकोले प्रहार गरेर गरेको गोल नै जापानको जितको निर्णायक बन्न पुग्यो।

जापान र कोलम्बियाबीच रुसको सारान्स्कमा भएको उक्त खेल हेर्न जापानकी राजकुमारी टाकामाडो पनि उपस्थित थिइन्।

एक शताब्दीको अवधिमा रुसको भ्रमण गर्ने जापानी राजपरिवारकी उनी पहिलो सदस्य हुन्।


सम्बन्धित शीर्षकहरु

अन्तर्राष्ट्रिय समाचार | १५ नोभेम्बर २०२६ / भारतले बंगलादेशकी पूर्वप्रधानमन्त्री शेख हसिनालाई स्वदेश फर्काउन सहजीकरण गर्न सक्ने संकेत दिएको छ।…

वरिष्ठ नेपाली अभिनेत्री गौरी मल्ल र हास्य कलाकार मनोज गजुरेललाई प्रहरीले पक्राउ गरेको भन्दै सामाजिक सञ्जालमा भाइरल भएको भिडियो भ्रामक…

काठमाडौं | जलवायु कूटनीति / नेपालका परराष्ट्रमन्त्री शिशिर खनालले संयुक्त राष्ट्रसंघीय जलवायु परिवर्तनसम्बन्धी महासन्धिका पक्ष राष्ट्रहरूको ३१औँ सम्मेलन (कोप–३१) मा…

प्रतिकृयाहरू
...