Monday 18th June 2018

पपुवा न्यूगिनीमा एक महिनाका लागि फेसबुक प्रतिवन्ध


तितोपाटी – पपुवा न्यू गिनीले एक महिनाको लागि फेसबुक प्रतिबन्ध लगाउने भएको छ । त्यहाँको सरकारले यो वेबसाइटले देशमा पारेको प्रभावलाई ख्याल गरेर यो कदम चालेको बताएको छ ।

गिनीको सरकारका सञ्चारमन्त्री स्याम बसिलले यो अवधीमा पोर्नोग्राफी र गलत जानकारी पोष्ट गर्ने प्रयोगकर्ताहरु पहिचान गरिने बताए ।

उनले आफ्नो देशले एक अलग सामाजिक सञ्जाल बनाउने कुरा पनि बताए ।

क्याम्ब्रिज एनालिटिका काण्डपछि फेसबुकले चौतर्फी निगरानी भोगिरहेको छ । यसका साथै यसले जाली समाचारहरुलाई जुन हिसाबले सल्टायो त्यसको आलोचना हुने गरेको छ ।

लगभग १०% मानिसहरुको मात्र इन्टरनेटमा पहुँच भएता पनि पपुवा न्यू गिनी अनलाइन सेवाहरुको नियमनमा सक्रिय देखिएको छ ।

पपूवा न्यू गिनी सरकारले एक महिनाको फेसबुक प्रतिबन्धबाट यो सामाजिक सञ्जाल कसरी प्रयोग भइरहेको छ विश्लेषण गर्न चाहेको बतायो । यसका साथै सन् २०१६ मा भएको साइबर अपराध नियन्त्रण कानुनको उलघंनकर्तालाई कारबाही गर्न खोजिरहेको छ ।

“यो समयमा जाली एकाउन्टपछाडी लुक्ने प्रयोगकर्ताहरु, पोर्नोग्राफी तस्वीरहरु अपलोड गर्ने प्रयोगकर्ताहरु र झुटो सूचना पोष्ट गर्ने प्रयोगकर्ताहरुको पहिचान गर्न सुचना संकलन गरिनेछ ।”बसिलले भने ।
जाली समाचारको वृद्धी विश्वव्यापी रुपमा प्रविधि उद्योगहरुको मुख्य समस्या बन्दै गएको छ । सूचना गलत हुदाँ पनि प्रयोगकर्ताहरुलाई साबधान नगराएको भनेर उनीहरुको आलोचना हुनेगर्छ ।

“हामी पपुवा न्यू गिनी नागरिकहरुको लागि एक नयाँ सामाजिक सञ्जाल निर्माण गर्ने सम्भावना बारे पनि सोचिरहेका छौं ।” बसिलले भने ।

“यदी आवश्यक प¥यो भने हामी हाम्रो स्थानीय एप्स निर्माताहरुलाई भेला गरेर देश भित्र र बाहिर रहेका न्यू जील्याण्ड नागरिकहरुलाई संञ्चार गर्ने सहज साइट निर्माण गर्नेछौं ।”उनले भने ।



Share The News :
सम्बन्धित शीर्षकहरु

बालकृष्ण घिमिरे- दुध र दुग्धजन्य पदार्थ जाडो मौसममा स्वत चिसो हुने भएका कारणले होला पन्चानब्ये प्रतिशत बिग्रदैन र अनुगमन गर्ने…

तितोपाटी - जनप्रगतिशिल मञ्च ओमनले शुक्रबार मस्कट घालाको म:म किङ्ग रेस्टुरेन्टमा एक विशेष कार्यक्रम गरि भेटघाट तथा बृहत छलफल कार्यक्रम…

काठमाडौं -भारतले नेपाललाई जनकपुर र विरानगरबाट पनि दुईतर्फी एयर रुट दिने भएको छ । यसका लागि शनिबार नेपाल र भारतको…

प्रतिकृयाहरू