Monday 16th November 2026

अाइपिएल २०१८ को उपाधि चेन्नइ सुपर किङले हात पार्यो


तितोपाटी डट कम – सनराइजर्स हैदराबादलाई आइतबार ८ विकेटले पराजित गर्दै चेन्नाई सुपर किंग्सले इन्डियन प्रिमियर लिग (आईपीएल) २०१८ को उपाधि जितेको छ ।

मुम्बईस्थित वान्खेडे रंगशालामा हैदराबादले प्रस्तुत गरेको १ सय ७९ रनको लक्ष्य चेन्नाईले १९ औं ओभरमा २ विकेट गुमाउँदै प्राप्त गर्‍यो । चेन्नाईका लागि ओपनर सेन वाट्सनले शतक प्रहार गरे ।

फाफ डु प्लेसिसलाई १० रनमा गुमाएको चेन्नाईका लागि वाट्सन र सुरेश रैनाले बलियो साझेदारी गरेर जितको आधार तयार पारेका थिए । दोस्रो विकेटका लागि १ सय १७ रनको साझेदारी गर्ने क्रममा रैनाले २४ बलमा ३२ रनको योगदान दिए । वाट्सनले ५७ बलको सामना गर्दै ११ चौका र ८ छक्का मदतले नटआउट १ सय १७ रन जोडे । अम्बाटी रायडु २१ रनमा नटआउट रहे ।

त्यसअघि हैदराबादले निर्धारित २० ओभरमा ७ विकेट गुमाउँदै १ सय ७८ रन जोडेको थियो । ओपनर श्रीभत्स गोश्वामी ५ रनमै पेभेलियन फर्किए पनि शिखर धवन र केन विलियमसनले इनिङ्स उकासे । धवनले २६ तथा विलियमसनले ४७ रनको योगदान दिए । सकिब अल हसनले १५ बलमा २३ रन जोड्दा कार्लोस ब्रेथवेटले २१ रन बनाए । युसुफ पठानले २५ बलमा ४ चौका र २ छक्का मदतले नटआउट ४५ रन जोडेपछि हैदराबादले ठूलो स्कोर खडा गरेको थियो ।


सम्बन्धित शीर्षकहरु

अन्तर्राष्ट्रिय समाचार | १५ नोभेम्बर २०२६ / भारतले बंगलादेशकी पूर्वप्रधानमन्त्री शेख हसिनालाई स्वदेश फर्काउन सहजीकरण गर्न सक्ने संकेत दिएको छ।…

वरिष्ठ नेपाली अभिनेत्री गौरी मल्ल र हास्य कलाकार मनोज गजुरेललाई प्रहरीले पक्राउ गरेको भन्दै सामाजिक सञ्जालमा भाइरल भएको भिडियो भ्रामक…

काठमाडौं | जलवायु कूटनीति / नेपालका परराष्ट्रमन्त्री शिशिर खनालले संयुक्त राष्ट्रसंघीय जलवायु परिवर्तनसम्बन्धी महासन्धिका पक्ष राष्ट्रहरूको ३१औँ सम्मेलन (कोप–३१) मा…

प्रतिकृयाहरू
...